உற்பத்தியுடன் இணைந்த ஊக்குவிப்புத் (பிஎல்ஐ) திட்டத்தின் கீழ் சாதனைகளை அடைவது முதல் ஸ்டார்ட்அப் சூழல் அமைப்புகளை ஊக்குவித்தல், அந்நிய நேரடி முதலீடுகள் அதிகரித்தல் வரை என பல செயல்பாடுகள் மூலம் இந்தியாவை தற்சார்பானதாகவும் மற்றும் உலக அளவில் சந்தைப் போட்டியை எதிர்கொள்ளும் வகையிலும் உருவாக்குவதில் தொழிலக மற்றும் உள்நாட்டு வர்த்தக மேம்பாட்டு துறை முக்கிய பங்கு வகித்துள்ளது.
2024 ஆம் ஆண்டில் இத்துறையின் சில முக்கிய முயற்சிகள் மற்றும் சாதனைகள்:
தற்சார்பு இந்தியா பார்வையைக் கருத்தில் கொண்டு, இந்தியாவின் உற்பத்தி திறன்கள் மற்றும் ஏற்றுமதியை மேம்படுத்துவதற்காக 14 முக்கிய துறைகளுக்கு ரூ. 1.97 லட்சம் கோடி மதிப்பிலான உற்பத்தியோடு இணைந்த ஊக்கத் தொகை(பிஎல்ஐ) திட்டம் ரூ.1.97 லட்சம் கோடி ஒதுக்கீட்டுடன் அறிவிக்கப்பட்டுள்ளது. 11.11.2020 அன்று அமைச்சரவையால் அங்கீகரிக்கப்பட்ட இந்தத் திட்டத்தின் கீழ் ரூ. 12.50 லட்சம் கோடிக்கு உற்பத்தி/விற்பனை நடந்துள்ளது. ரூ.1.46 லட்சம் கோடி முதலீடுகள் குவிந்துள்ளன.ரூ. 4 லட்சம் கோடி மதிப்புக்கு ஏற்றுமதி நடந்துள்ளது. 9.5 லட்சம் தனிநபர்கள் நேரடி மற்றும் மறைமுக வேலைவாய்ப்புகளைப் பெற்றுள்ளனர்.
27 மாநிலங்கள்/யூனியன் பிரதேசங்களில் 10 அமைச்சகங்கள் / துறைகளின் கீழ் 14 பிரிவுகளில் 1,300-க்கும் அதிகமான உற்பத்திப் பிரிவுகள் நிறுவப்பட்டுள்ளன.
வெண்மைப் பொருட்களுக்கான பிஎல்ஐ திட்டம் (ஏசிக்கள் மற்றும் எல்இடி விளக்குகள்) இவற்றின் உற்பத்தியை ஊக்குவிக்கிறது. ரூ. 6,238 கோடி ஒதுக்கீடு அங்கீகரிக்கப்பட்டுள்ளது (நிதியாண்டு 2021-22 முதல் நிதியாண்டு 2028-29 வரை). இத்திட்டத்தின் முடிவில் உள்நாட்டு மதிப்பு கூட்டுதல் 20-25% லிருந்து 75-80% ஆக அதிகரிக்கும். செப்டம்பர் 2024 வரை உறுதியளிக்கப்பட்ட 6,962 கோடி ரூபாய் முதலீட்டில் 47% முதலீடும் 48,000 நேரடி வேலைவாய்ப்புகளும் பெறப்பட்டுள்ளன.
பிரதமரின் விரைவு சக்தி திட்டமானது சாலைகள், ரயில் பாதைகள், துறைமுகங்கள், உள்நாட்டு நீர்வழிப்பாதைகள், தொலைத்தொடர்பு இணைப்புகள், மின் இணைப்புகள் போன்ற உள்கட்டமைப்புகளை ஒருங்கிணைக்கிறது.
இத்திட்டத்தின் கீழ் 44 மத்திய அமைச்சகங்கள் / துறைகள் (8 உள்கட்டமைப்பு, 16 சமூக, 15 பொருளாதாரம் மற்றும் 5 மற்றவை) மற்றும் 36 மாநிலங்கள் / யூனியன் பிரதேசங்கள் உட்படுத்தப்பட்டுள்ளன. இதில் 1614 தரவு அடுக்குகள் (மத்திய அமைச்சகங்களிலிருந்து 726 அடுக்குகள் மற்றும் மாநிலங்கள் / யூனியன் பிரதேசங்களிலிருந்து 888 அடுக்குகள்) அடங்கும். கூடுதலாக, 22 சமூகத் துறை அமைச்சகங்கள் / துறைகள் 152 க்கும் மேற்பட்ட தரவு அடுக்குகளுடன் (ஆரம்ப சுகாதார வசதிகள், தபால் அலுவலகங்கள், விடுதிகள் மற்றும் கல்லூரிகள் போன்றவை) இணைக்கப்பட்டுள்ளன.
தேவைக்கு முன்னதாகவே தரமான உள்கட்டமைப்பை உருவாக்குவதும், வளர்ந்த நிலப் பகுதிகளை உடனடி ஒதுக்கீட்டுக்குத் தயாராக வைத்திருப்பதும், உற்பத்தித் துறையில் முதலீடுகளை ஈர்ப்பதும், உலகளாவிய மதிப்புச் சங்கிலியில் இந்தியாவை வலுவானதாக நிலைநிறுத்துவதும் தேசிய தொழில் தடம் முன்முயற்சியின் நோக்கமாகும். 5 ஆண்டு செயல் திட்டம் ஏற்கனவே அங்கீகரிக்கப்பட்ட 8 திட்டங்களுக்கும் கூடுதலாக தொழில்துறை 4.0 தரங்களை ஏற்றுக்கொள்வதன் மூலம் 12 புதிய தொழில்துறை நகரங்களை உருவாக்குவதில் கவனம் செலுத்துகிறது. இந்த முயற்சி அரசின் தற்சார்பு இந்தியாவுடன் ஒத்துப்போகிறது. இது வலுவான கட்டடங்கள் மற்றும் பொருளாதார உள்கட்டமைப்பை உருவாக்குதல், சமூக மற்றும் பாலின சமத்துவ இடைவெளிகளை சரி செய்தல், இளைஞர்களுக்கு குறிப்பிடத்தக்க வேலை வாய்ப்புகளை உருவாக்குதல் ஆகியவற்றை நோக்கமாகக் கொண்டுள்ளது.
ஜூன் 2024 நிலவரப்படி, தோலேரா, ஷெந்திரா பிட்கின், கிரேட்டர் நொய்டா மற்றும் விக்ரம் உத்யோக்புரி ஆகிய நான்கு நகரங்களில் 308 மனைகள் (1789 ஏக்கர்) ஒதுக்கப்பட்டுள்ளன. தற்போது, 2,104 ஏக்கர் வளர்ந்த தொழில்துறை நிலம் மற்றும் 2,250 ஏக்கர் வணிக, குடியிருப்பு அல்லது பிற நில பயன்பாடு உடனடி ஒதுக்கீட்டிற்கு கிடைக்கிறது. 68 நிறுவனங்களில் வணிக நடவடிக்கைகள் தொடங்கப்பட்டுள்ளன, மேலும் இந்த நகரங்களில் 83 திட்டங்கள் கட்டுமானத்தில் உள்ளன.
எதிர்கால விரிவாக்கத் திட்டங்களில் 28 ஆகஸ்ட் 2024 அன்று மத்திய அமைச்சரவை ஒப்புதல் அளித்த 12 புதிய கிரீன்ஃபீல்ட் திட்டங்களை உருவாக்குவதும் அடங்கும், இதில் 25,975 ஏக்கர் பரப்பளவில் ரூ. 28,602 கோடி திட்ட செலவில் அடங்கும். இந்த திட்டங்களில் 9,39,416 வேலைவாய்ப்புகளும், ரூ.1.5 லட்சம் கோடி முதலீட்டு திறனும் உள்ளன. 12 திட்டங்கள் நாடு முழுவதும் குறைந்த சேவையளிக்கப்பட்ட தொழில்துறை பகுதிகளை உள்ளடக்கியது, இதற்கு திட்டமிட்ட தொழில்மயமாக்கல் தேவைப்படுகிறது. இந்த திட்டங்களில் உள்கட்டமைப்பு மேம்பாட்டு செலவுகள் மற்றும் நிலச் செலவுகள் (மாநிலங்களின் பங்கு), ஏற்கனவே அந்தந்த மாநிலங்களின் வசம் நிலம் உள்ளது.
27 மத்திய மற்றும் மாநில பல்கலைக்கழகங்களில் அறிவுசார் சொத்துரிமை இருக்கைகள் அமைக்கப்பட்டுள்ளன. பள்ளிகள், கல்லூரிகள், பல்கலைக்கழகங்களில் மக்கள் தொடர்புக்காக ஏற்பாடு செய்யப்பட்ட 1200 க்கும் மேற்பட்ட நிகழ்ச்சிகள் 5 லட்சத்துக்கும் அதிகமான மாணவர்கள் மற்றும் ஆசிரியர்களை உள்ளடக்கி இருந்தது. காவல்துறை, சுங்கம் மற்றும் நீதித்துறை பயிற்சி நிறுவனங்களுக்காக பல்வேறு சட்ட அமலாக்க முகவர்களுக்காக 359 உணர்திறன் திட்டங்கள் நடத்தப்பட்டன.
அறிவுசார் சொத்துரிமை உருவாக்கம்: 2023-24 ஆம் ஆண்டில் வழங்கப்பட்ட 1,03,057 காப்புரிமைகள் 2014-15 இல் வழங்கப்பட்ட காப்புரிமைகள் எண்ணிக்கையுடன் ஒப்பிடும்போது பதினேழு மடங்கு அதிகரித்துள்ளது. 2014-15 உடன் ஒப்பிடும்போது 2023-24 ஆம் ஆண்டில் வர்த்தக முத்திரை பதிவுகள் ஏழு மடங்கு அதிகரித்துள்ளன. பதிவு செய்யப்பட்ட புவிசார் குறியீடுகளின் எண்ணிக்கை 2023-24 ஆம் ஆண்டில் 635 ஆக அதிகரித்துள்ளது. மாணவர்கள், கல்வியாளர்கள் மற்றும் தொழில்துறையினரிடையே அறிவுசார் சொத்துரிமை விழிப்புணர்வை அதிகரிக்க தொடர் முயற்சிகள் செய்யப்படுகின்றன. உலகளாவிய கண்டுபிடிப்பு குறியீட்டில் இந்தியாவின் தரவரிசை 2024-ல் 39 வது இடத்திற்கு முன்னேறியுள்ளது.
வெளிநாட்டு நேரடி முதலீடுகள் இரண்டு வழிகளில் அனுமதிக்கப்படுகிறது. ஒன்று தானியங்கி பாதை மற்றொன்று அரசு வழித்தடம். தானியங்கி வழியின் கீழ், அரசு அல்லது ரிசர்வ் வங்கியிடமிருந்து முன் அனுமதி தேவையில்லை. பெரும்பாலான துறைகள் 100% வெளிநாட்டு நேரடி முதலீட்டிற்கு திறந்திருக்கும். 2023-24 நிதியாண்டில், 98% க்கும் அதிகமான வெளிநாட்டு நேரடி முதலீடு இந்தப் பாதை மூலம் பெறப்பட்டது. அரசு வழித்தடத்திற்கு சம்பந்தப்பட்ட அமைச்சகங்கள் அல்லது துறைகளிடமிருந்து முன் அனுமதி தேவைப்படுகிறது. இது அறிவிக்கப்பட்ட துறைகளின் செயல்பாட்டு முதலீடுகளுக்கும், இந்தியாவுடன் நில எல்லைகளைப் பகிர்ந்து கொள்ளும் நாடுகளின் முதலீடுகளுக்கும் பொருந்தும்.
2000 முதல் 2024 வரை, மொத்த வெளிநாட்டு நேரடி முதலீடு 991 பில்லியன் அமெரிக்க டாலர் பதிவு செய்யப்பட்டுள்ளது, கடந்த பத்து நிதியாண்டுகளில் (2014-2024) 67% (667 பில்லியன் அமெரிக்க டாலர்) பெறப்பட்டுள்ளது. உற்பத்தித் துறையில் வெளிநாட்டு நேரடி முதலீடு 69% அதிகரித்து, 2004-2014 ஆம் ஆண்டில் 98 பில்லியன் அமெரிக்க டாலரிலிருந்து 2014-2024 ஆம் ஆண்டில் 165 பில்லியன் அமெரிக்க டாலராக உயர்ந்துள்ளது.
நிதியாண்டு 2024-25-ல் வெளிநாட்டு நேரடி முதலீடு வருகை (ஜூன் 2024 வரை): 2024-25 நிதியாண்டின் முதல் காலாண்டில், வெளிநாட்டு நேரடி முதலீடு 22.5 பில்லியன் அமெரிக்க டாலரை எட்டியது, இது 2023-24 நிதியாண்டின் முதல் காலாண்டில் 17.8 பில்லியன் அமெரிக்க டாலர்களுடன் ஒப்பிடும்போது 26% அதிகமாகும்.