தானியங்கி சக்கர தோற்ற வடிவ அளவீட்டு அமைப்புகளுக்கான புரிந்துணர்வு ஒப்பந்தத்தில் இந்திய ரயில்வே மற்றும் டி.எம்.ஆர்.சி கையெழுத்திட்டன

தானியங்கி சக்கர தோற்ற வடிவ அளவீட்டு அமைப்புகளை (ஏ.டபிள்யூ.பி.எம்.எஸ்) கொள்முதல் செய்து நிறுவுவதற்காக தில்லி மெட்ரோ ரயில் கார்ப்பரேஷனுடன் (டி.எம்.ஆர்.சி) புரிந்துணர்வு ஒப்பந்தத்தில் கையெழுத்திட்டதன் மூலம் ரயில் பெட்டிகளின் பராமரிப்பில் ஆட்டோமேஷன் மற்றும் செயல்திறனை நோக்கி இந்திய ரயில்வே ஒரு பெரிய முயற்சியை மேற்கொண்டுள்ளது. இந்த ஒப்பந்தம் புதுதில்லியில் உள்ள ரயில் பவனில் இன்று முறைப்படுத்தப்பட்டது.

ஏ.டபிள்யூ.பி.எம்.எஸ் என்பது ஒரு மேம்பட்ட அமைப்பாகும், இது ரயில் சக்கர தோற்ற வடிவங்களின் தானியங்கி, தொடர்பு இல்லாத அளவீட்டை அனுமதிக்கிறது. லேசர் ஸ்கேனர்கள் மற்றும் அதிவேக கேமராக்களைப் பயன்படுத்தி, நேரடி  தலையீடு இல்லாமல் துல்லியமான மற்றும் விரைவான அளவீடுகளை வழங்குகிறது. விலகல்கள் ஏற்பட்டால், தானியங்கு விழிப்பூட்டல்கள் சரியான நேரத்தில் சரியான நடவடிக்கைகளை உறுதி செய்யும், பாதுகாப்பு மற்றும் செயல்பாட்டு செயல்திறன் இரண்டையும் மேம்படுத்தும்.

புரிந்துணர்வு ஒப்பந்தம் கையெழுத்திடும் விழாவில் திரு. பி.எம். அகர்வால், உறுப்பினர் (இழுவை மற்றும் ரோலிங் ஸ்டாக்), திரு. எஸ்.கே. பங்கஜ், கூடுதல் உறுப்பினர் (உற்பத்தி பிரிவுகள்), திரு. ஆஷிஷ் சர்மா, கூடுதல் உறுப்பினர் (மெக்கானிக்கல் இன்ஜினியரிங்), திரு. பர்மித் கார்க், இயக்குநர் (வணிக மேம்பாடு), டி.எம்.ஆர்.சி உட்பட பலர் கலந்து கொண்டனர்.

ரயில்வே பராமரிப்பு நடைமுறைகளை நவீனமயமாக்குவதில் இந்த ஒத்துழைப்பு ஒரு குறிப்பிடத்தக்க மைல்கல்லைக் குறிக்கிறது. அதிநவீன தொழில்நுட்பத்தை ஒருங்கிணைப்பதன் மூலம், இந்திய ரயில்வே தனது ரயில்பெட்டி இருப்பு நிர்வாகத்தை மேம்படுத்துகிறது, பராமரிப்பு நேரத்தை குறைக்கிறது மற்றும் ஒட்டுமொத்த சேவை திறனை மேம்படுத்துகிறது. இந்த கூட்டாண்மை இந்திய ரயில்வே மற்றும் டி.எம்.ஆர்.சி இடையே தொழில்நுட்ப பரிமாற்றம் மற்றும் திறன் மேம்பாட்டை ஊக்குவிக்கிறது, புதுமை, பாதுகாப்பு மற்றும் செயல்பாட்டு சிறப்புக்கான உறுதிப்பாட்டை வலுப்படுத்துகிறது.

மேலும் விவரங்களுக்கு இந்த செய்திக் குறிப்பை ஆங்கிலத்தில் இங்கே காணவும்:

https://pib.gov.in/PressReleasePage.aspx?PRID=2118916