நிலக்கரி நிறுவனங்களின் பாதுகாப்பு நிலையை மதிப்பிடுவதற்காக, நிலக்கரி அமைச்சகத்தின் செயலாளர் திரு அம்ரித் லால் மீனா, தேசிய நிலக்கரி சுரங்க பாதுகாப்பு அறிக்கை தளத்தின் தற்போதைய வளர்ச்சியை வெள்ளிக்கிழமை ஆய்வு செய்தார்.
இந்த ஆய்வுக் கூட்டத்தில் கோல் இந்தியா லிமிடெட் (சிஐஎல்) தலைவர், கோல் இந்தியா நிறுவனத்தின் துணை நிறுவனங்களின் தலைவர் மற்றும் மேலாண்மை இயக்குநர்கள் மற்றும் அமைச்சகத்தின் மூத்த அதிகாரிகள் கலந்து கொண்டனர். அம்ரித் லால் மீனா, அனைத்து நிலக்கரி சுரங்கங்களிலும் 100% பாதுகாப்பு தணிக்கை நடத்த வேண்டியதன் அவசியத்தை வலியுறுத்தினார். “விபத்து இல்லாத, தோல்வி இல்லாத பாதுகாப்பு” என்ற நிலையை அடைவதில் அமைச்சகத்தின் உறுதிப்பாட்டை அவர் மீண்டும் உறுதிப்படுத்தினார். நிலக்கரி சுரங்கங்களில் பாதுகாப்பு மேம்பாடுகளை விரைவுபடுத்த அதிகாரிகள் மதிப்புமிக்க நுண்ணறிவுகளை வழங்கினர்.
தேசிய நிலக்கரி சுரங்க பாதுகாப்பு அறிக்கை தளம் பாதுகாப்பு நிர்வாகத்தில் குறிப்பிடத்தக்க முன்னேற்றத்தைக் குறிக்கிறது. 24 மணி நேர விபத்து அறிக்கையிடல் மற்றும் விபத்துக்களை திறம்பட நிர்வகிப்பது, முழுமையான பகுப்பாய்வு ஆகியவற்றை உறுதி செய்வதை இந்தத் திட்டம் செயல்படுத்தும். பாதுகாப்பு தணிக்கை தொகுதி தணிக்கை செயல்முறையை மேம்படுத்தும், நிலக்கரி சுரங்கத் துறை முழுவதும் பாதுகாப்பு நடைமுறைகள் மற்றும் நெறிமுறைகளை வலுப்படுத்தும், மேலும் இந்த மேம்பட்ட தொகுதிகளை ஒருங்கிணைப்பதன் மூலம், முக்கியமான பாதுகாப்பு சவால்கள் தீர்க்கப்படுகின்றன, பாதுகாப்பு நிர்வாகத்திற்கான புதிய வரையறைகளை அமைக்கின்றன.
நிலக்கரி அமைச்சகம் மற்றும் நிலக்கரி-பொதுத்துறை நிறுவனங்கள் நிலக்கரி அமைச்சரின் தலைமையின் கீழ் சாத்தியமான அபாயங்களைக் கண்டறிந்து குறைக்கும் இடர் மதிப்பீட்டு நடைமுறைகள் மூலம் “சுரங்க பாதுகாப்பு கலாச்சாரத்தை” வளர்ப்பதில் உறுதிபூண்டுள்ளன. புதுமையான தொழில்நுட்பங்கள் மற்றும் கொள்கைகளை மேம்படுத்துவதன் மூலம், நிலக்கரி சுரங்கத் துறையில் உள்ள அனைத்து ஊழியர்களின் நல்வாழ்வை உறுதி செய்தல் மற்றும் பாதுகாப்பு, உற்பத்தித்திறன் கலாச்சாரத்தை ஊக்குவிப்பதை நிலக்கரி அமைச்சகம் நோக்கமாகக் கொண்டுள்ளது.