Category: செய்தி

புதுதில்லியில் உள்ள உத்யோக் பவனில் இன்று தேசிய தொழில்நுட்ப ஜவுளி இயக்கத்தின் கீழ் 8-வது அதிகாரமளிக்கப்பட்ட திட்டக் குழு கூட்டத்திற்கு ஜவுளி அமைச்சகத்தின் செயலாளர் தலைமை தாங்கினார். ‘தொழில்நுட்ப ஜவுளித் துறையில் ஆர்வமுள்ள கண்டுபிடிப்பாளர்களிடையே ஆராய்ச்சி மற்றும் தொழில்முனைவோருக்கான மானியம் (கிரேட்)’ திட்டத்தின் கீழ், தலா 50 லட்சம் ரூபாய் மானியத்துடன் 4 புத்தொழில் நிறுவனங்களுக்கு இந்தக்…

ஜென்மாஷ்டமி பண்டிகையை முன்னிட்டு பிரதமர் திரு. நரேந்திர மோடி நாட்டு மக்களுக்கு வாழ்த்துகளைத் தெரிவித்துள்ளார். இது தொடர்பாக சமூக ஊடக எக்ஸ் தளத்தில் பிரதமர் வெளியிட்டுள்ள அறிக்கையில் கூறியிருப்பதாவது: “உங்கள் அனைவருக்கும் இனிய  ஜென்மாஷ்டமி நல்வாழ்த்துகள். ஜெய் ஸ்ரீ கிருஷ்ணா!”

நிலக்கரி நிறுவனங்களின் பாதுகாப்பு நிலையை மதிப்பிடுவதற்காக, நிலக்கரி அமைச்சகத்தின் செயலாளர் திரு அம்ரித் லால் மீனா, தேசிய நிலக்கரி சுரங்க பாதுகாப்பு அறிக்கை தளத்தின் தற்போதைய வளர்ச்சியை வெள்ளிக்கிழமை ஆய்வு செய்தார். இந்த ஆய்வுக் கூட்டத்தில் கோல் இந்தியா லிமிடெட் (சிஐஎல்)…

குறு, சிறு, நடுத்தரத் தொழில் நிறுவனங்களை வெறும் நிறுவனமாகப் பார்க்கக் கூடாது எனவும் அவை மிகப் பெரிய சக்தியாக இருக்கின்றன எனவும் மத்திய தொழில் – வர்த்தக அமைச்சர் திரு பியூஷ் கோயல் கூறியுள்ளார். அவை  லட்சக்கணக்கான நாட்டு மக்களுக்கு வேலைவாய்ப்பை அளிக்கின்றன என்றும் தேச நிர்மாணத்தில் சிறந்த பங்களிப்பை அளிக்கின்றன எனவும் அவர் தெரிவித்தார். புதுதில்லியில் நடைபெற்ற 10 வது இந்திய சர்வதேச குறு,சிறு, நடுத்தர நிறுவன புத்தொழில் கண்காட்சி, உச்சி மாநாடு 2024-ல் அவர் பங்கேற்றுப் பேசினார். புதுமையான சிந்தனைகளும், புதிய வழிகளும் குறு, சிறு, நடுத்தரத் தொழில் நிறுவன தொழில்முனைவோரின் அடையாளமாக உள்ளன என்று திரு கோயல் கூறினார். பெரிய தொழில்கள் ஆயிரக்கணக்கான, குறு,சிறு, நடுத்தர நிறுவனங்களை உள்ளடக்கியது எனவும் குறு, சிறு, நடுத்தர நிறுவனங்கள்  இல்லாமல் பெரிய நிறுவனங்கள் வெற்றி பெற முடியாது என்றும் அவர் தெரிவித்தார். நாட்டின் சுற்றுலா, உள்கட்டமைப்பு வளர்ச்சியில் குறு, சிறு, நடுத்தரத் தொழில்கள் முக்கிய பங்கு வகிக்கின்றன என்று அவர் சுட்டிக்காட்டினார். இந்தத் துறையின் வளர்ச்சி நாட்டிற்கு இன்றியமையாதது என்று அவர் கூறினார். 140 கோடி நாட்டு மக்களும் ஒன்றிணைந்து தேச நிர்மாணத்தில் பங்களிக்கும்போது, 2047-ல் இந்தியா வளர்ந்த நாடாக மாறும் என்றும், அனைவருக்கும் வளத்தை நம்மால் உறுதி செய்ய முடியும் என்றும் வர்த்தக அமைச்சர் திரு பியூஷ் கோயல் கூறினார். தரக் கட்டுப்பாட்டு ஆணைகள் (QCO) மூலம் அரசு குறு, சிறு, நடுத்தர நிறுவன துறைக்கு ஆதரவளிக்கிறது என்ற உண்மையை திரு பியூஷ் கோயல் எடுத்துரைத்தார்.

அறிவியல் – தொழில்துறை ஆராய்ச்சி கவுன்சிலும் (CSIR-சிஎஸ்ஐஆர்) லகு உத்யோக் பாரதியும் (LUB) சிஎஸ்ஐஆர் தலைமையகத்தில் 21 ஆகஸ்ட் 2024 அன்று குறு, சிறு தொழில்முனைவோருக்கு சிஎஸ்ஐஆர் தொழில்நுட்பங்களைக் கொண்டு செல்வதற்கான புரிந்துணர்வு ஒப்பந்தத்தில் கையெழுத்திட்டன. லகு உத்யோக் பாரதி என்பது 1994 முதல் இந்தியாவில் பதிவு செய்யப்பட்ட குறு  சிறு தொழில்களுக்கான அகில இந்திய அமைப்பாக திகழ்கிறது. இந்தியாவின் 27 மாநிலங்களில் 575 க்கும் மேற்பட்ட மாவட்டங்களில் 51000 க்கும் மேற்பட்ட உறுப்பினர்களைக் கொண்ட நிறுவனமாகும் இது. இந்த…

வளர்ச்சியடைந்த இந்தியா என்ற பிரதமர் திரு நரேந்திர மோடியின் தீர்மானத்தை நிறைவேற்ற காதி மற்றும் கிராமத் தொழில்கள் ஆணையம், குறு,சிறு மற்றும் நடுத்தர தொழில்கள் அமைச்சகம், மத்திய தகவல் தொடர்பு அமைச்சகத்தின் கீழ் உள்ள தபால் துறை இடையே புரிந்துணர்வு ஒப்பந்தம்…

இந்திய அரசின் மீன்வளம், கால்நடை பராமரிப்பு மற்றும் பால்வள அமைச்சகத்தின் கால்நடை பராமரிப்பு மற்றும் பால்வளத் துறை, மற்றும் இமாச்சலப் பிரதேச அரசு ஆகியவை இணைந்து மாநில மற்றும் மாவட்ட ஒருங்கிணைப்பு அலுவலர்கள் மற்றும் மேற்பார்வையாளர்களுக்கு மென்பொருள் (மொபைல் மற்றும் வலை பயன்பாடு / டாஷ்போர்டு) மற்றும் இனங்கள் குறித்த 21வது கால்நடை…

மின்னணு வணிகத்தின் வளர்ச்சி குடிமக்களை மையமாகக் கொண்டதாக இருப்பதை நாம் உறுதி செய்ய வேண்டும் என்று மத்திய வர்த்தகம் மற்றும் தொழில்துறை அமைச்சர் திரு பியூஷ் கோயல் கூறினார். புதுதில்லியில் இன்று நடைபெற்ற நிகழ்ச்சியில் சிறப்பு விருந்தினராகக் கலந்துகொண்டு பஹ்லே இந்தியா அறக்கட்டளையின் ‘இந்தியாவில் வேலைவாய்ப்பு…

இந்திய தொலைத்தொடர்பு ஒழுங்குமுறை ஆணையம் (TRAI) வெளியிட்டுள்ள ஆண்டறிக்கையின்படி, 2023-2024 நிதியாண்டில் இந்திய தொலைத் தொடர்புத் துறை குறிப்பிடத்தக்க வளர்ச்சியைக் கண்டுள்ளது. இந்த அறிக்கை, பல்வேறு சேவைகளில் குறிப்பிடத்தக்க வளர்ச்சி போக்குகள் மற்றும் முக்கிய அளவுருக்களை எடுத்துக்காட்டுகிறது. சேவை வழங்குவோரால் அளிக்கப்பட்ட தகவல்களின் அடிப்படையில், அறிக்கை தயாரிக்கப்பட்டுள்ளது. இந்தியாவில் ஒட்டுமொத்த தொலைத்தொடர்பு அடர்த்தி மார்ச் 2023 இறுதியில் 84.51%-லிருந்து…

குடியுரிமை திருத்தச் சட்டத்தின் (சிஏஏ) கீழ் 188 அகதி சகோதர-சகோதரிகளுக்கு குடியுரிமை சான்றிதழ்களை மத்திய உள்துறை அமைச்சரும் கூட்டுறவுத்துறை  அமைச்சருமான திரு அமித் ஷா இன்று வழங்கினார். குஜராத் முதலமைச்சர் திரு பூபேந்திர படேல் உட்பட பல பிரமுகர்கள் இந்த நிகழ்ச்சியில் கலந்து கொண்டனர். அமித் ஷா தமது உரையில், குடியுரிமை திருத்தச் சட்டம் நாட்டில் குடியேறியுள்ள லட்சக்கணக்கான   மக்களுக்கு குடியுரிமை வழங்குவது மட்டுமல்ல, லட்சக்கணக்கான அகதிகளுக்கு நீதி மற்றும் உரிமைகளை வழங்குவதாகும். முந்தைய அரசுகளின் திருப்திப்படுத்தும் கொள்கையின் காரணமாக, 1947 முதல் 2014 வரை நாட்டில் தஞ்சம் புகுந்த மக்களுக்கு அவர்களின் உரிமைகளும் நீதியும் கிடைக்கவில்லை என்றார். இந்த மக்கள் அண்டை நாடுகளில் மட்டுமல்ல, இங்கேயும் துயரங்களை சகித்துக் கொள்ள வேண்டியிருந்தது என்று அவர் கூறினார். இந்த லட்சக்கணக்கான மக்கள் மூன்று தலைமுறைகளாக நீதிக்காக ஏங்கினர், ஆனால் எதிர்க்கட்சிகளின் திருப்திப்படுத்தும் கொள்கை காரணமாக, அவர்களுக்கு நீதி கிடைக்கவில்லை என்று திரு ஷா கூறினார். பிரதமர் திரு. நரேந்திர மோடி இந்த லட்சக்கணக்கான மக்களுக்கு நீதி வழங்கியுள்ளார் என்று அவர் கூறினார். மக்களுக்காகத்தான் சட்டம் , சட்டத்திற்காக மக்கள் இல்லை  என்று மத்திய உள்துறை அமைச்சர் கூறினார். குடியுரிமை திருத்தச் சட்டத்தைக் கொண்டு வருவோம் என்று நாங்கள் 2014-ல் உறுதியளித்தோம், 2019-ல் மோடி அரசு இந்தச் சட்டத்தைக் கொண்டு வந்தது என்று அவர் கூறினார். இந்த சட்டத்தின் மூலம், நீதி கிடைக்காத கோடிக்கணக்கான இந்துக்கள், சமணர்கள், பௌத்தர்கள், சீக்கியர்கள் நீதி பெறத் தொடங்கினர் என்று அவர் கூறினார். இந்த சட்டம் 2019-ல் நிறைவேற்றப்பட்டது. ஆனால் அதற்குப் பிறகும் இது முஸ்லிம்களின் குடியுரிமையைப் பறிக்கும் என்று கூறப்பட்டது. ஆனால்  யாருடைய குடியுரிமையையும் பறிக்க இந்தச் சட்டத்தில் எந்த ஏற்பாடும் இல்லை என்றும், இது குடியுரிமை வழங்குவதற்கான சட்டம் என்றும் மத்திய அமைச்சர் தெளிவுபடுத்தினார். நமது சொந்த நாட்டு மக்கள் தங்களின் சொந்த நாட்டிலேயே ஆதரவற்ற நிலையில் வாழ்கிறார்கள். இதை விட துரதிர்ஷ்டவசமானதும் முரண்பாடானதும் என்ன இருக்க முடியும்? திருப்திப்படுத்தும் கொள்கை காரணமாக பல ஆண்டுகளாக செய்ய முடியாததை பிரதமர் மோடி செய்து 2019-ல் இந்த சட்டத்தை கொண்டு வந்தார் என்று திரு ஷா கூறினார். 2019 ஆம் ஆண்டில் சட்டம் நிறைவேற்றப்பட்ட பிறகும், நாட்டில்  சிறுபான்மையினர் தூண்டப்பட்டதால் கலவரங்கள் ஏற்பட்டு,இந்தக் குடும்பங்களுக்கு 2024 வரை குடியுரிமை கிடைக்கவில்லை என்று திரு அமித் ஷா கூறினார். சிஏஏ குறித்து நாடு முழுவதும் வதந்திகள் பரப்பப்பட்டன. இந்த சட்டம் யாருடைய குடியுரிமையையும் பறிக்கவில்லை, இது இந்து, சமண, சீக்கிய, பௌத்த அகதிகளுக்கு குடியுரிமை வழங்குவதற்கான சட்டமாகும். இன்றும் சில மாநில அரசுகள் மக்களை தவறாக வழிநடத்துகின்றன என்று திரு அமித் ஷா கூறினார். நாடு முழுவதும் உள்ள அகதிகள், குடியுரிமைக்கு விண்ணப்பிக்க தயங்க வேண்டாம் என்றும், இது அவர்களின் வேலைகள், வீடுகள் போன்றவற்றை முன்பு போலவே வைத்திருக்கும் என்றும் உள்துறை அமைச்சர் தெரிவித்தார். எதிர்க்கட்சிகள் உங்களை தவறாக வழிநடத்த முயற்சிக்கும், ஆனால் நீங்கள் பயப்பட வேண்டாம் என்று நாடு முழுவதும் உள்ள அகதிகளுக்கு திரு அமித் ஷா வேண்டுகோள் விடுத்தார். சிறுபான்மையினரை தவறாக வழிநடத்துபவர்கள் உங்களுக்கு அநீதி இழைக்கிறார்கள் என்பதை அறிந்து கொள்ள வேண்டும் என்று அவர் கூறினார். இந்த சட்டத்தைக் கொண்டுவர எதிர்க்கட்சிகளுக்கு தைரியம் இல்லை என்றும், ஆனால் இப்போது குறைந்தபட்சம் அதை அமல்படுத்துவதில் மோடி அரசுக்கு அவர்கள் ஆதரவளிக்க வேண்டும் என்றும் திரு ஷா கூறினார். மேலும் விவரங்களுக்கு இந்த ஆங்கிலச் செய்திக்குறிப்பைக் காணவும்: https://pib.gov.in/PressReleasePage.aspx?PRID=2046432